Tashmë prej disa muajsh, Olsi Bylyku gjendet përkrah Bes Kallakut dhe Erion Isajt në një hapësirë të posaçme dedikuar humorit në Tv Klan.

Kështu krejt natyrshëm secilit prej jush mund t’i lindë pyetja sesa paguhet Bylyku në raport me dy artistët e tjerë. A paguhen të gjithë njësoj?

I ftuar këtë javë në “Thumb”, Olsi u pyet rreth çështjes në fjalë dhe përgjigjja qe kjo:

"Ne nuk kemi ndarë kurrë pozicione me njëri- tjetrin që unë jam drejtori, ti do të merresh me këtë, unë me atë. Ne nuk paguhemi njësoj sepse ata e morën përpara meje riskun që të largohen nga Portokallia dhe kanë qëndruar shumë gjatë pa punuar duke studiuar këtë emision dhe kanë benefite [përfitime] monetare më të mëdhaja se unë.

Më tutje shtoi:

"Por edhe për mua, me kalimin e sezoneve sigurisht që do të ndryshojë terësisht pagesa.”

U mbyll dhe kjo punë!