Siç rrëfeu producentja ekzekutive Dalina Buzi, seriali #Love #Likes #Tirana erdhi shumë rastësisht. Buzi lexoi një libër skenari dhe më pas e gjithë puna krijuese rrodhi vetë.

Teksa u përqëndruan në disa momente specifike, vajzat kujtuan dhe komentuan diçka më shumë rreth përfshirjes së tyre në këtë projekt.

Alberta tregoi se në fillime pati shumë vështirësi për t’u përfshirë në rolin e Irisit, ku kjo e fundit është tepër e hidhur dhe e zhgënjyer nga jeta.

Dea tregoi se kur mësoi për rolin e Lunës, në fillim ishte pak skeptike, nisur nga fakti që do të cilësohej si dashnorja.

Megi ndërkohë sqaroi se me Zoin ndihej vetja dhe se nuk do të mundte dot të dilte nga natyra e saj nëse do t’i ofrohej diçka tjetër.

Violës gjithashtu iu desh shumë punë e ndërsa Ana foli rreth rolit të Xhenit, një rol i  trajtuar shumë normalisht në serial [siç duhet të jetë]. Haxhimali kujtoi edhe momentin e puthjes me vajzën tjetër, që sigurisht tërhoqi vëmendjen e të gjithëve.