Sot, në “Shqipëria Live,” Rezart Veleshnja u shpreh shumë i revoltuar kundrejt filmave të Drilon Hoxhës. Tha se ai nuk ka përfunduar Akademinë e Arteve dhe se diskutimi për të, e ul nivelin e bisedës në lidhje me kinematografinë në vend. Madje, aktori tha se largohet nga paneli nëse Hoxha përfshihet në bisedë.

Në seksionet e komenteve nën videon e postuar në YouTube, një mori njerëzish thonë me të drejtë se ndonjëherë nuk të nevojitet shkolla për të bërë diçka, sidomos në aktrim/art ku mund të përmenden me qindra shembuj suksesi pa background dhe pa u arsimuar në fushë.

Në komentet në Instagram ama, njerëzit u fokusuan më së shumti te fakti që dikur, Rezarti ka qenë aktor në një nga këta filmat e Drilonit që përçmon kaq shumë. Sipas IMDb, Veleshnja ka luajtur në “Dashuria s’mjafton,” publikuar në 2018-n.

Në këtë mes duhet të ketë patjetër një hatërmbetje, po se për çfarë, kemi përshtypjen se do zbulohet shumë shpejt.