Kim Kardashian është njëra prej nesh. Ok, përveç faktit që është biznesmene miliardere, ka reality shoë-n e saj dhe ndiqet nga miliona njerëz. Sidoqoftë, në fund të ditës mbete njeri me pasigurirat e veta, që duket se janë shtuar pas ndarjes me Kanye-n. 

Për ata që s'e kanë dëgjuar, Kim dhe Kanye u ndanë pak muaj më parë pas 7 vitesh martesë dhe problemi i radhës për Kim-in është: jeta romantike që vjen për të pas mbylljes së këtij kapitulli! Çfarë e shqetëson më shumë Kim-in pas divorcit?

"Ajo s'është e fokusuar tek takimet e reja momentalisht, por në fakt shqetësohet duke menduar që djemtë nuk do të duan të njihen e të dalin me të, për shkak të lidhjes aq publike që kishte me West. Gjithashtu ajo e di sesa e vështirë është të ketë besim tek dikush tjetër dhe sesa kohë do t'i duhet për të lënë dikë tjetër të përfshihet në jetën e saj private. Me Kanye-n ishte më e thjeshtë pasi ishin miq prej vitesh dhe kishin besim tek njëri-tjetri."- tregojnë burime për Us Weekly.

Nga ana tjetër, Kanye po shijon romancën e re me Irina Shayk, ndonëse Kim s'e besonte kurrë që reperi do të hidhej para saj në krahët e dikujt tjetër. 

Ndonëse lajmi erdhi surprizë për të, Kardashian nuk besdiset fare nga fakti që Irina është e dashura e tij e re, për aq kohë sa bashkëprindërimi shkon mirë. Të paktën, kështu thotë.