Ylli i pop-it, kohët e fundit postoi një fotografi të vetes nga pas, topless. Duket një foto krejt normale, deri sa njerëzit vunë re se mungojnë tatuazhet e saj. Disa nga mbështetësit e #FreeBritney, sugjeruan që këngëtarja nuk "e ka më në kontroll Instagramin e saj" dhe të tjerë pyesnin "ku i ke tatuazhet?".

Pak ditë më vonë, Britney kthehet përsëri në Instagram për të thënë se "ajo editoi trupin duke hequr tatuazhet dhe nuk i intereson se si ndihen njerëzit për këtë". Fotoja e postuar ishte kjo më poshtë dhe shkruante: "Nëse jeni duke folur pas shpinës, mos ngurroni të përkuleni dhe të më puthni të pasmet".

Nëse mendoni se ky reagim (pak i tepërt nëse do më pyesësh mua) sqaroi gjithçka, nuk ndodhi kështu. Përkundrazi, njerëzit tani janë edhe më të bindur se "Britney nuk e postoi vetë këtë mesazh". Disa prej komenteve shkruanin:

"Britney s'do ishte kurrë kaq e vrazhdë", "Kjo dukshëm nuk është Britney, por vazhdo përpiqu kushdo qofsh" etj

Burimi: Glamour