@bigbrothervipkosova/ Instagram

Hej, shpirtra kuriozë, ja ku jemi sërish, duke dëshmuar një situatë të ngjashme, thjesht me personazhe të ndryshme.
 
Të gjithë e mbajmë mend trekëndëshin e dashurisë mes Donaldit – Borës – Beatrix në “Big Brother VIP Albania” dhe duket se ky trekëndësh po ripërsëritet në Kosovë dhe personazhet e rinj janë: Stresi – ish-bashkëshortja e tij, Keisi – Gresa.

Ashtu si Donaldi, edhe Stresi, shprehu dashurinë dhe pengjet e tij karshi Keisit, duke thënë: “harroje që del dikush tjetër këtu që e konkurron atë”, Keisi reagoi dhe ne qëndruam në pritje për zhvillimin e historisë.

Por, ndërkohë që ne prisnim, Stresi u bë më aktiv se kurrë, duke i dhuruar puthje dhe përqafime Gresës, modeles së njohur. Në një video të postuar në Instagram e disa të tjera në TikTok, shfaqet Stresi duke i dhuruar dashuri modeles, e cila dukej e trishtuar, si dhe duke i thënë njëri-tjetrit "I love you" ("Të dua!") dhe njerëzit kaq deshën.

Komentuesit nisën ta krahasonin Stresin me Donaldin dhe të vinin në dukje faktin se reperi nga një anë donte rikthimin me ish-bashkëshorten, e nga ana tjetër duket më i dashur se kurrë me konkurrenten në fjalë.

Ja edhe dikush i pashqetësuar nga drama, që thjesht donte të dinte se cila ishte kënga në sfond:

Por, Stresi e ka të qartë marrëdhënien me modelen dhe ka thënë se e do thjesht si shoqe e asgjë më shumë, por njerëzit nuk duken shumë të bindur.

Gjithsesi, na duhet të rikujtojmë se ka 2 ndryshime të mëdha:

1. Keisi ende nuk e ka vizituar Stresin, për të sqaruar situatën mes tyre.

2. Stresi nuk ka një shoqe dhe aleate si Semi brenda shtëpisë, e cila dashur padashur, mund ta ndihmonte për të bërë ndonjë hap më tej me Keisin, ose të paktën për të mbajtur nën kontroll puthjet dhe përqafimet e reperit.

Artikuj të sugjeruar: