Shutterstock

Kendall Jenner dhe Bad Bunny po dalin bashkë dhe kjo s’është pritur shumë mirë prej internetit, por që nejse, ata vijojnë të takohen dhe të puthen kudo ku kamera i kap. Burimet thonë se ndjenjat e Kendall ndaj këngëtarit latin, Bad Bunny janë gjithnjë e më shumë në rritje dhe se ata të dy e kanë shumë qejf njëri-tjetrin.

Kendall dhe Bad Bunny takohen që prej shkurtit dhe sot, për t’ju thjeshtuar punë, po ju tregojmë historikun e marrëdhënies së tyre.

Gjithçka nisi më 16 shkurt

Llogaria “DeuxMoi” në Instagram bëri me dije se Kendall dhe Bad Bunny janë parë në një club privat në Los Angeles, duke u puthur. Po, po. P-U-TH-U-R!

18 shkurt

Kendall dhe Bad Bunny dolën në një takim çiftesh, bashkë me Hailey dhe Justin Bieber.
 
20 shkurt

Një burim u shpreh për “People” se: “Kendall dhe Bad Bunny po kalojnë kohë bashkë dhe se ata janë prezantuar përmes miqve të përbashkët. Ajo e ka qejf dhe po argëtohet. Ai është shumë ndryshe nga djemtë me të cilët Kendall ka dalë, është shumë sharmant”.
 
7 mars

Dyshja u fotografua në një restorant sushi me disa miq dhe me Kylie Jenner. Më pas, Bad Bunny hipi në makinën e Kendall.

BACKGRID

9 mars

Kemi një status të ri! Një burim tha për “Entertainment Tonight” se Kendall dhe Bad Bunny po i marrin gjërat ngadalë për të parë se ku do të shkojë lidhja e tyre në të ardhmen. Të dy e kanë qejf njëri-tjetrin, dalin, argëtohen dhe shkojnë shumë mirë bashkë. Familja e Kendall po e mbështet marrëdhënien e tyre dhe të gjithë janë të gëzuar që Kendall është e lumtur”.
 
12 mars

Pas festës së Beyoncé dhe Jay Z, Kendall dhe Bad Bunny u panë në të njëjtën makinë. Nëse po pyesni, makina është Maybach. ;)

Backgrid

14 mars

Sipas një burimi për “US Weekly”, Kendall nuk po kërkonte një lidhje me dikë, sidomos pas ndarjes nga ish-partneri, Devin Booker, por tanimë që del me Bad Bunny-n, ndjenjat po rriten.
 
17 mars

Ne ende jemi pak të tronditur nga gjithë këto lajme për marrëdhënien e tyre, por ja që ndodh. Dashuria vjen edhe kur s’e pret.

Artikuj të sugjeruar: