Njerëzit janë të bindur se Kylie dhe Timothée janë ndarë, por pse?

Getty

 
Timothée Chalamet dhe Kylie Jenner nuk janë parë bashkë prej një kohe relativisht të gjatë dhe fansat janë të bindur se ata janë ndarë.
 
“Prova”? Sipas The Sun, kryesisht fakti që Kylie ka postuar disa këngë "ndarjeje" në Instagram Stories, përfshirë “Lover, You Should’ve Come Over” nga Jeff Buckley dhe “Crying, Laughing, Loving, Lying” nga Labi Saffre.

 
Megjithëse kjo s’është një provë shumë e qëndrueshme sepse:
1. Rreth asaj periudhe, një dokumentar i ri për Jeff Buckley u publikua.
2. Kënga ishte virale në TikTok, ndaj Kylie thjesht mund të ketë qenë fanse.
 
Por kalojmë tek një tjetër provë: Timothée nuk ishte i pranishëm në festën e ditëlindjes së Kylie-t fundjavën e kaluar, por edhe për këtë kemi një teori! Arsyeja mund të jetë sepse ai është, si të thuash, i zënë me xhirimet e filmit të ri “Dune”, një prej filmave më të shumëpritur.
 
Një burim tha për People gjatë këtij muaji se Kylie dhe Timmy “janë mësuar me një orar të tillë” dhe se Kylie “do të fluturojë për ta parë kur të mundet”, ndërsa ai është shumë i zënë me “Dune”.
 
Personi anonim shtoi se Timothée “e di që muajt e ardhshëm do të jenë rraskapitës, kështu që po merr pak kohë për t’u çlodhur dhe rimbushur energjitë.”
 
Një tjetër burim tha se “xhirimet e gjata dhe të lodhshme” do ta çojnë Timothée-n “nëpër gjithë botën,” ndaj nuk është aspak befasuese që ai dhe Kylie nuk janë parë bashkë kohët e fundit (dhe me shumë gjasa, nuk do shihen për ca kohë).