Më 23 tetor 2025, më ndodhi diçka e rrallë: u emocionova në një event për pajisje shtëpiake!
Jo për shkak të shampanjës apo muzikës së mirë (edhe pse ishin me shumicë të dyja), por sepse për herë të parë kuptova që edhe teknologjia mund të ketë kaq shumë “shpirt” brenda. Dhe për këtë, meritat i ka Electromagic, që festoi 20 vite me Miele në Shqipëri.
Isha aty, mes dritave të ulëta dhe neonëve që të bënin të ndiheshe si personazhi kryesor kur mendova: “Kjo histori 20-vjeçare s’ka të bëjë vetëm me furra, lavatriçe a frigoriferë të një standarti të lartë. Ka të bëjë dhe me njerëzit që kujdesen pas tyre.”
Sepse kjo është ajo që Electromagic ka bërë për 20 vite.
Jo thjesht ka shitur pajisje, por ka arritur të ndërtojë marrëdhënie me klientin. Stafi i Electromagic të njohin, të dëgjojnë, të mësojnë si t’i përdorësh gjërat që bleve dhe janë aty për ty edhe pas shitjes, kur diçka nuk funksionon, ose kur s’e di pse mikrovala s’po i dëgjon komandat e tua.
Në showroom-et e tyre, mos bëj gafë të mendosh se gjërat qëndrojnë thjesht për zbukurim. Mund t’i prekësh, t’i provosh, t’i lëshosh një “ohhh” të vogël kur zbulon furrat e Miele që hapen si në filmat futuristë.
Konsulentët e Electromagic nuk janë shitës që të tundin ofertën para syve, janë njerëz që ndihen si miq të mirë që duan të të tregojnë një sekret: “Ja pse kjo pajisje do të të lehtësojë nga aq shumë angari.”
Në event, ndërsa dritat, tingujt dhe pikturat lëviznin përreth meje, duke më bërë të ndihesha si brenda veprës, mendova sa shumë ka ndryshuar gjithçka. Por jo kujdesi. Ai ka mbetur i njëjtë: me përkushtim dhe i qetë, gjerman në cilësi, shqiptar në prezantimin mikpritës.
Electromagic e ka kthyer blerjen e mundimshme të një pajisjeje shtëpiake në një eksperiencë, në një vend të sigurt ku mund të shkosh pa frikë nëse diçka ndodh, ose kur thjesht do të përmirësosh shtëpinë tënde.
Në fund të mbrëmjes, dikush nga stafi tha diçka që më mbeti në mendje:
“Të gjithë mund të shesin një makinë larëse. Por ne duam të jemi arsyeja pse ajo funksionon si në ditën e parë, edhe pas dhjetë vitesh.”
Dhe me siguri kjo është arsyeja pse Miele dhe Electromagic janë ende bashkë pas dy dekadash. Sepse kur i jep atë “shpirtin” teknologjisë, siç e përmenda dhe në hyrje, përvojat e mira, si pajisjet e Miele nga Electromagic, janë aty për të zgjatur.
