Pas disa javësh ku janë përfolur emra të ndryshëm për prezantimin e "Festivalit të Këngës", është konfirmuar se Arilena Ara do të jetë moderatorja e edicionit të këtij viti.
Lajmi është bërë i ditur nga popart.al, ndërsa vetë Arilena ka ndarë në Instagram postimin përkatës, duke e konfirmuar publikisht. Këngëtarja rikthehet kështu në skenën e festivalit, këtë herë jo si konkurrente, por në rolin e prezantueses.
Arilena, e cila ishte fituese e “Festivalit të Këngës” në vitin 2019, do të udhëheqë netët live të edicionit të 64-të.
Më shumë informacion rreth konceptit të prezantimit, detajeve të tjera dhe mundësisë së bashkëprezantuesve të tjerë, pritet të bëhen të ditura në ditët në vijim.
Ndërkohë, janë publikuar edhe këngët konkurruese të këtij edicioni dhe ju mund të votoni të preferuarën tuaj në sondazhin e Anabel.
Festivali i 64-t i Këngës në RTSH do të zhvillohet më 17, 18, 19 dhe 20 dhjetor.
