Meqë këto kohë çdo gjë mbi familjen e Brooklyn ka dalë sheshit, le t'i japim pak vëmendje familjes së bashkëshortes së tij, Nicola Peltz.
Nicola Peltz është vajza më e vogël e investitorit të fuqishëm Nelson Peltz dhe ish-modeles Claudia Heffner. Prindërit e saj janë njerëz me shumë ndikim në botën e biznesit.
Babai i Nicola-s, Nelson Peltz, lindi në Brooklyn, më 24 qershor 1942, nga prindër hebrenj.
Më i vogli nga tre fëmijë, ai u diplomua në shkollën "Horace Mann" në Bronx dhe më pas ndoqi "Wharton School" në Universitetin e Pensilvanisë. Ai i ndërpreu studimet para diplomimit për t’u bërë instruktor skish, përpara se të fillonte punë në biznesin familjar, A. Peltz & Sons.
Nelson dhe vëllai i tij e shndërruan atë biznes në një kompani publike që arriti rreth 150 milionë dollarë shitje.
Investimet e tij u rritën me kalimin e viteve dhe secili prej tyre rezultoi të ishte një sukses. Sipas Forbes, pasuria neto e Nelson Peltz vlerësohet në 1.6 miliardë dollarë.
Mamaja e Nicola-s, Claudia Heffner Peltz lindi në Baltimore, Maryland, më 12 mars 1955.
Ajo nisi karrierën e saj si modele përmes disa paraqitjeve në reklama dhe revista. U shfaq disa herë në Vogue, Harper’s Bazaar, Elle dhe Cosmopolitan, si dhe modeloi për marka të mëdha si Revlon, L’Oréal, Calvin Klein dhe Chanel.
Pas martesës me babain e Nicola-s, në vitin 1985, u tërhoq nga modelingu dhe iu përkushtua bamirësisë. Ajo dhe bashkëshorti themeluan "Fondacionin Familjar Nelson dhe Claudia Peltz", i cili ofron mbështetje kryesisht mbi arsimin, shëndetësinë, mjedisin dhe zhvillimin e të rinjve.
Prioritet për të ishte gjithashtu zgjerimi i familjes. Së bashku ata kanë tetë fëmijë, ndërkohë Nelson Peltz ka edhe dy të tjerë nga martesa e parë.
Nga fëmijët, vetëm djali i madh eci nën hapat e të atit, të tjerët zgjodhën sportin, teknologjinë, dizajnin e aktrimin.
Brooklyn (ndryshe nga Nicola) ka arritur të përshtatet mjaft mirë me familjen e saj. Prej tij nuk kanë munguar postimet krah vjehrrit, apo daljet publike gjatë eventeve shoqëruar nga vëllezërit dhe motrat e Nicola-s.
