Britney Spears u pa në Los Angeles duke mbajtur një gotë shampanje në dorë, në një periudhë kur shqetësimet për sjelljen e saj të paqëndrueshme po rriten. Këngëtarja e “Toxic” u fotografua të martën teksa dilte nga një bar vere, megjithëse ekipi i saj i tha Daily Mail se ajo nuk kishte konsumuar alkool.
Në një video në Instagram, Spears kritikoi paparacët duke i quajtur “jashtëzakonisht të ligj”, pasi sipas saj ata kapin gjithmonë “fotot më të këqija” dhe e ndjekin kudo. Në imazhet e publikuara, ajo shihej teksa largohej nga lokali drejt makinës së saj, e shoqëruar nga një punonjës i vendit, me syze dielli dhe një shall të bardhë mbi kokë për t'u fshehur.
Ajo kishte veshur një xhaketë me kuadrata, një bluzë të shkurtër me tantellë dhe xhinse me bel të ulët, të kombinuara me taka ngjyrë kafe dhe një çantë gri. Dalja e saj vjen vetëm disa javë pasi u filmua duke ngarë makinën në mënyrë të rrezikshme pas një nate jashtë me miq.
Ndërkohë, Spears vazhdon të kritikojë publikisht pretendimet e ish-bashkëshortit Kevin Federline, duke i quajtur “shumë të dhimbshme” dhe “lodhëse”, ndërsa burime pranë saj shprehen të frikësuar për sjelljen e saj të fundit dhe pyesin “si mund ta mbrojnë nga vetja”.
Ajo ka qenë më parë nën një kujdestari ligjore për 13 vjet, që përfundoi në vitin 2021, dhe dy djemtë e saj po përpiqen të përmirësojnë marrëdhënien me të, sipas deklaratave të Federline.
