Deklaratat e Brooklyn Beckham kanë marrë gjithë vëmendjen mediatike këto kohë, por listën duket se e kryeson rrëfimi që ai bëri mbi mënyrën se si u ndje kur e ëma kërceu në dasmën e tij dhe Nicola-s.
Edhe pse nuk ka një video të atij momenti, një prej dëshmitarëve të kërcimit i dha të drejtë Brooklyn-it.
Stavros Agapiou, partneri i DJ britanik Fat Tony, i cili u ftua të performonte në dasmën e dyshes, shprehu përmes një komenti se kjo gjë vërtet kishte ndodhur, edhe pse më pas e fshiu atë çfarë tha.
“Isha aty dhe ajo e bëri, ai po thotë të vërtetën,” shkroi Stavros Agapiou.
Pas fshirjes së komentit, ai shtoi: “Mirë për të që më në fund foli hapur!”
Komentet e tij u bënë virale dhe fill pas tyre ai publikoi një story në Instagram, ku krahas një fotoje përpara pasqyrës shkroi:
“Nga tani e tutje do të qëndroj i heshtur.”
Komentet e tij erdhën pas rrëfimit që Brooklyn Beckham bëri mbi situatën mes tij dhe familjes.
Edhe pse deklarata ishte shumë e gjatë, mënyra se si Brooklyn përshkroi kërcimin që e ëma bëri gjatë dasmës mori gjithë vëmendjen e audiencës.
"Ajo kërceu mbi mua në mënyrë shumë të papërshtatshme përpara të gjithëve," tha Brooklyn teksa përshkruante momentin dhe rrjeti nuk di të ndalet.
Prej dy ditësh qarkullojnë video në rrjetet sociale të krijuara duke përdorur inteligjencën artificiale, ku përdoruesit duket se po shfrytëzojnë gjithë fantazinë e tyre për të rikrijuar atë moment.
View this post on Instagram
