Kim Kardashian, ashtu si ne, e përdor ChatGPT-në për shumë gjëra, madje edhe për të zgjidhur pyetjet e testeteve të universitetit. Megjithatë, kjo s’do të thotë se përgjigjet e chatbot-it janë të sakta, pasi Kim ngeli në provime.
Gjatë një testi me “makinerinë e së vërtetës” për Variety, ylli i “The Kardashians” pranoi se kishte përdorur ChatGPT-në për “të kopjuar”.
“Kur më duhet të di përgjigjen e një pyetjeje, bëj një foto dhe e fus në ChatGPT,” tregoi, duke shtuar se gjithnjë përgjigjet kanë qenë të gabuara dhe se ka ngelur nëpër teste.
Kardashian, 45 vjeçe, shpjegoi se “nxehet” dhe i “bërtet” ChatGPT-së sepse falë tij, ka dështuar në provime.
Kur këngëtarja e R&B-së, 34-vjeçarja Taylor, e pyeti nëse ajo e konsideron ChatGPT “një mik”, Kim e përshkroi si një “armik-mik” ("frenemy").
Ajo saktësoi: “I flas dhe i them, ‘Hej, ti do të më bësh të ngel. Si ndihesh për këtë?... Po vij tek ti për ndihmë.”, duke rrëfyer se chatbot-i e këshillon të besojë tek instinktet e saj.
Ylli i “The Kardashians” shtoi me shaka:
“Duhet të përmirësohet. Sepse unë mbështetem tek ai për ndihmë të vërtetë dhe ChatGPT përfundon duke më dhënë leksione jete dhe duke u bërë terapisti im, që më shpjegon pse duhet të besoj te vetja pasi më jep përgjigje të gabuara.”
Kim ka qenë e hapur me njerëzit për rrugëtimin e saj, duke treguar se kishte dështuar tre herë në një provim, përpara se ta kalonte më në fund në vitin 2021. Në maj, aktorja e “American Horror Story” festoi përfundimin e studimeve në juridik, pas gjashtë vitesh përpjekjesh.
-
Kim Kardashian flet për diagnozën e aneurizmës në tru
24 Tetor, 10:45 -
-
