Vetëm kur menduam se “Big Brother VIP Albania 4” ishte kaq i mërzitshëm, vjen “Big Brother VIP Albania 5” me 3 episode qe deri tani mezi kemi pritur të mbarojnë.
#1. Konflikti Ilir-Juxhin
Juxhini guxoi të bënte një shaka me Ilirin: teksa bisedonte me Angelon, thërriste emrin e Ilirit dhe vazhdonte të shihte bashkëbiseduesin. Se si shkuan gjërat e keni parë dhe pas shpërthimit të frikshëm të Ilirit, madje u ndërpre transmetimi nga shtëpia live në të dyja kanalet.
Ndonëse Juxhini i kërkoi falje Ilirit atë ditë, vendosi të ngatërrojë prapë gjërat në prime duke thënë se priste dhe ai një mini-falje nga Iliri. Të kuptohemi Juxhin, jo se nuk ke të drejtë, po para njerëzve të paparashikueshëm si Iliri, më mirë të të bëhet padrejtësi ndonjëherë.
Momenti më i bukur: Iliri tha se ishte nevrikosur nga shakaja e Juxhinit sepse është një mënyrë që njerëzit përdorin për të të vendosur në lojë në Korçë. Juxhini i përgjigjet që ishte një shaka që ia kishte mësuar një shok nga Tropoja.
#2. Seno kundër gjithë shtëpisë
Nominimi e bëri Senon të shpërthejë, fatkeqësisht. Aq ka folur Seno këto 3 ditë, sa në prime s’kishte më zë për të nxjerrë. Shihet se kush po përpiqet të jetë shkodrani “i shkathët”, por fatmirësisht njerëzit s’kanë më nerva për një zhurmues të bajatur.
Nëse s’ia kei ende idenë se për kë po flasim, ky është Seno:
Seno guxoi të ngacmojë Kristin, il padrinon, duke shtuar vetëm lavdinë e tij. Kristi ishte i pari që shpëtoi nga nonimini i natës.
#3. Rikrijohet televotim tjetër brenda natës
2 më pak të shpëtuarit nga televotimi, Lorna me Senon, futën në televotim brenda natës 2 banorë të tjerë. Seno zgjodhi Angelon dhe Lorna Xhodin, për të cilën edhe pse dha arsyen se “e nominoi se s’kanë raporte bashkë”, qartësisht e bëri për të shpëtuar veten nga rreziku i lartë eliminimit.
#4. Gjejmë lidhjen familjare që kanë Miri me Selinën
Eliminohet opsioni babë e bijë sepse edhe pse e kishin mundësinë, dyshja nuk pranuan të ndahen nga e fjetura në një krevat, që një javë më parë ishte problemi më i madh në shtëpi.
Tani duhet gjetur kush po përdor kë për lojë, po kemi përshtypjen se as babi, as bija, s’janë kaq naivë. Ndjesë, jo babë e bijë, për momentin e lëmë burri i tezes dhe mbesa e gruas.
Na falni, po vetë po e bëni të sikletshme marëdhënien mes jush.
#4. Miss Brikena s’ndal dot mirësinë ndaj Stenaldos
Brikena vazhdon të kujdeset për Stenaldon, banorin e verbër, si të jetë një fëmijë. Dikush e sheh si zemërbardhësi të Brikenës, dikush thotë që shtiret, Stenaldo thotë thjesht më lini rehat, shumë i qartë në qëllimet e tij.
Dhe duke parë aftësinë e tij të funksionojë shumë normalisht vetëm e duke dëgjuar atë që thotë me gojën e tij, ndoshta është koha që në një moment të të vijë turp nga injoranca dhe të mos këmbëngulësh për hir të zemrës tënde të badhë.
#5. Le ta pajtojmë Malin me zor me babin e vet
Produksioni mendoi një surprizë për Malin, por e harroi pjesën kur kjo surprizë mund të ishte dhe një katastrofë e vërtetë. Mali, që nuk ka folur kurrë për të atin, u detyrua të thotë dje se refuzon të ketë lidhje me të, ka 7 vite pa e takuar dhe ndihet mirë me zgjedhjen e vet.
Këtu, Ledioni mori një rol të një konkurrenteje tjetër në një tjetër televizion dhe u përpoq të bindë Malin të gjejë gjuhën e përbashkët me babanë. Na fal Mal, e dimë që të kishte marrë malli për mamin, por babi shet më shumë! Gjithsesi, Mali refuzoi të komunikojë me të atin, me të drejtë. Por dreqi ta hajë more Mal, na hoqe 40 minuta të parashikuara për dramën tënde këtë episod. Nejse, publicitet.
Nëse po vrisni mendjen pse ka herë pas here foto të Sabinës që hyjnë si pykë, është sepse këtë edicion kemi 3 opinionistë dhe Sabina është brenda shtëpisë, ndryshe nga dy të tjerët.
#6. Miri dhe Stine: Miqësi apo rivalitet?
Përgjigjja: S’NA INTERESON. Pse duhet të ketë çdo edicion një dyshe, me miqësi të mirë nga jashtë, që në paaftësi për të bërë lojë brenda, gjejnë rrugën e shkurtër dhe krijojnë këtë “misterin” e raportit të vërtetë midis tyre. Oh Zot djema, dhoma e figurantëve është ajo me ngjyrë të kuqe, shoqëroni veten drejt saj ju lutem.
#7. Eliminohet Xhodi
Lorna diti si ta shpëtojë kokën për momentin, e na premtoi se do e tregojë veten më shumë më tej. Dakord, po duket dielli që në mëngjes Lorna. Ndonëse Xhodi e gjorë pati besim se është një njeri me fat dhe shpresoi ta shpëtonte bileta e kthimit, kjo s’ndodhi.
Televotimi i radhës: cili është banori juaj i preferuar? Më pak i votuari bën mirë të lutet ta kthejë ndonjë mrekulli sërish brenda. Deri atëherë, shihemi. :)
