Dikur shoqe të pandara, tani as në Instagram nuk e ndjekin më njëra-tjetrën. Burime për Page Six zbulojnë se Taylor Swift thotë se do jetë “përjetësisht e tërbuar” me Blake Lively-n, pas përfshirjes së emrit të saj në betejën ligjore të aktores me Justin Baldoni-n.
Sipas burimit, Taylor është ndjerë e përdorur për famë:
“E lëndoi shumë që Blake përdori emrin e saj në atë kontekst. Ajo e urren faktin që Blake e mendoi këtë, e lëre më që e shkroi në mesazh.”
Për ata që s’janë në dijeni, në mesazhet që dolën gjatë procesit ligjor, përmendej që Taylor ishte si një “dragua mbrojtës” për Blake-un - një lloj super mikeshe që ndërhyn, përplas derën dhe shpëton shoqen e vet nga çdo e keqe.
Por sipas burimit? Komplet trillim.
“S’ka qenë kurrë ajo lloj miqësie. Taylor nuk e ka parë asnjëherë veten si mbrojtëse të Blake-ut. Për më tepër, Blake është një grua e rritur dhe e martuar me një nga njerëzit më të fuqishëm të Hollywood-it.”
Për Taylor Swift-in, të përdorej si një kartë për ndikim publik ishte pika që e mbushi kupën. Mesazhet e publikuara nga Baldoni, veçanërisht ai për "dragoin", kanë lënë plagë që, sipas burimit, “janë të thella dhe ndoshta të përhershme”.
“Miqësia e tyre ishte e pastër: bënin ëmbëlsira bashkë, udhëtonin, dekoronin shtëpitë. Ishin thjesht dy gra të famshme që nuk kishin nevojë për asgjë nga njëra-tjetra. Dhe ndoshta kjo e bëri edhe më të dhimbshme kur Taylor ndjeu se Blake e përdori për interes.”
Asnjëra palë nuk ka folur publikisht për këtë "ndarje" të miqësisë, ndaj gjithçka mbetet në terrenin e burimeve pranë situatës, por nëse historia është e vërtetë, kjo është një tjetër dëshmi që edhe në Hollywood, miqësia ka një vijë të hollë mes besnikërisë dhe shfrytëzimit publik.
Burimi: Cosmopolitan
