Viti i bebave! Gocat shqiptare që u bënë nëna gjatë këtij viti ♡

2025-a ka qenë ose viti i ndarjeve, ose viti i bebushave! Më poshtë, do të gjeni gocat shqiptare që janë bërë nëna gjatë këtyre muajve.

Eliona Pitarka

Eliona Pitarka ndau me ndjekësit e saj lajmin e gëzueshëm se u bë sërish nënë. Aktorja postoi një video të bebushit të saj të sapolindur, duke shkruar:

“Bebi erdhi, por misteri i vogël mbetet! Po tani që po e shihni, a e ndjeni çfarë ka qenë gjatë gjithë këtyre muajve në zemrën time? Vajzë apo djalë? Bëni parashikimin e fundit.” 

Më pas, Eliona zbuloi se bebi nr. 3 është vajzë.

Isida Mollaymeri

Balerina e njohur u bë nënë për herë të parë, duke sjellë në jetë vogëlushen Ajlin. Ajo publikoi një foto me një tullumbac ku shkruhej “Mirë se erdhe bebushja Ajlin” në Instastory, duke njoftuar kështu ndjekësit për lajmin e bukur.

Lajmi erdhi surprizë për gjithë ndjekësit, pasi Isida e kishte private shtatzëninë e saj. 

Einxhel Shkira

Moderatorja dhe ish-banorja e “Big Brother VIP”, Einxhel Shkira solli në jetë bebushin e saj të dytë, Kresin, në prill të këtij viti. Lajmin e bukur e bëri të ditur vetë ajo përmes një postimi në Instagram. 

Në videon e publikuar, Einxhel shfaqej me vogëlushin e sapolindur, ndërsa pranë saj ndodhej Dagz dhe djali tjetër i tyre, Trev.

“Dhe një Zemër më shumë! Faleminderit Zot!”, shkroi ajo krah videos.

Kristina Baki

Kristina Baki u bë nënë për herë të dytë dhe publikoi foto në rrjetet sociale, nga momenti kur bebushja e saj Meisi erdhi në jetë.

"Mirë se erdhe në jetë vajza ime Meisi! Në datën 15.04.2025 Zoti më bekoi me mrekullinë e dytë dhe zemrën e kam plot”, shkroi ajo në mbishkrim.

Samanta Karavella

Samanta Karavella u bë nënë për herë të parë në prill dhe njoftoi ndjekësit në Instagram për lajmin e gëzuar. Ajo, përmes një fotoje ku shfaqej me bebushen, shkroi:

“E gjithë bota në krahët e mi...Mirë se erdhe në këtë botë Gia Rose 18/ 03/ 2025.”

Samanta dhe partneri i saj, i cili nuk është shqiptar, jetojnë në SHBA.

Fatma Haxhialiu

Në shkurt, Fatma solli në jetë fëmijën e dytë, Noarin. Ajo publikoi një video në Instagram, ku shprehej se nuk kishte fjalë që ta përshkruante emocionin që përjetoi nga momenti i rëndësishëm.

“Nuk kam fjalë për emocionet e këtij momenti që nuk përshkruhet, vetëm përjetohet dhe lotohet.”, shkruan ajo krahas videos, teksa falenderoi edhe partnerin e saj.