Pas disa javësh spekulime, është zbuluar identiteti i burrit misterioz që është parë në shoqërinë e Jessica Alba-s, aktores 44-vjeçare. Bëhet fjalë për aktorin e “Captain America” dhe “Top Gun: Maverick”, Danny Ramirez, 32 vjeç.
Dyshja u fotografua të dielën, teksa ktheheshin nga një udhëtim në Cancún të Meksikës drejt Los Angeles. Të veshur thjesht dhe me kapele bejsbolli, ata nuk shfaqën afeksion publik, por thjesht fakti që ishin bashkë në aeroport mjaftoi për të ndezur rrjetin.
Lajmi u konfirmua nga TMZ një ditë më vonë, duke përforcuar thashethemet që nisën që në maj, kur Jessica u fotografua duke mbajtur dorën e një burri në një park në Londër. Ndonëse fytyra e tij nuk ishte e qartë, fansat spekuluan menjëherë se mund të ishte Ramirez dhe, mesa duket, kishin të drejtë.
Ndërkohë, përfaqësuesit e të dyve nuk kanë dhënë ende ndonjë koment zyrtar për marrëdhënien.
Jessica dhe Danny nuk janë parë vetëm një herë bashkë. Në mars, aktorja e “Fantastic Four” iriposti një lajmi ku Ramirez shpallej pjesë e kastit të filmit “Avengers: Doomsday”, duke e përshëndetur me disa pikëçuditëse në story-n e saj në Instagram. Në atë kohë, ajo ishte ende në fillimet e divorcit me bashkëshortin e saj prej 17 vitesh, Cash Warren.
Jessica dhe Cash konfirmuan ndarjen në janar përmes një deklarate në Instagram, ku shkruanin: “Do të mbetemi gjithmonë familje. Fëmijët tanë janë prioriteti ynë më i madh.” Çifti kanë 3 fëmijë së bashku dhe kanë kërkuar kujdestari të përbashkët.
Edhe pas ndarjes, marrëdhënia e tyre ka mbetur miqësore. Ata e kaluan së bashku Pashkët këtë prill dhe Jessica i uroi publikisht një “Gëzuar Ditën e Babait” Cash-it vetëm muajin e kaluar.
Burimi: Page Six
